Медот и циметoт одамна се добро познати по своите здравствени придобивки. Со векови тие се користат за лекување. Според собраните податоци, сепак нивната ефикасност во голема мера зависи од начинот на живот. И покрај тоа медот и цимет сеуште се препорачуваат како лек при многу состојби...

Медот поседува природни антибактериски својства. Тој штити од инфекција и го помага заздравувањето на раните и изгорениците.
Комбинацијата на мед и цимет, во комбинација со здрава исхрана и умерено ниво на активност, може да не заштити од срцеви заболувања - бидејќи ги чисти затнатите артерии.

Пиењето на мед и цимет, растворени во топла вода го прочистува мочниот меур.
Редовното консумирање на овој пијалок ги смирува, а во некои случаи дури и целосно ги отстранува болките од артритис. Истата комбинација го стимулира и имунитетот.
Ако инфицираните места се намачкат со паста од мед и цимет, болката се ублажува, запира крварењето и инфекцијата не се шири.

Конзумирањето на комбинацијата на мед и цимет може да го подобри варењето на храната и да се спречи појавата на гасови.

Овие производи не полнат со енергија, а тоа не прави поконцентрирани и физички издржливи.
Интересно е што комбинацијата на мед и цимет помага при слабеењето и е ефикасна против некои видови на рак. Секако не треба да се потпирате целосно на тоа, но нема да ви наштети ако се обидете.
Повеќето од овие тврдења не се поддржани од традиционалната медицина, но не можеме да отречем дека природата ни подарила неверојатна разновидност на природни лековити материи.