Светскиот шампион во Формула 1 Себастијан Фетел стана спортист број еден во Европа во традиционалната анкета на Полската новинска агенција ПАП...

Фетел собра 137 поени во анкетата. Второто и третото место го делат велосипедистот Бредли Вигинс од Велика Британија, кој собрал 130, и атлетичарот Мохамед Фарах со 126 поени.

Во топ 10 место најдоа уште српскиот тенисер Новак Ѓоковиќ, фудбалерот Андрес Иниеста, тенисерот Енди Мареј од Велика Британија, португалскиот фудбалер Кристијано Роналдо, пливачот од Холандија Раноми Кромовиџојо, тенисерот Роџер Федерер од Швајцарија и автомобилистот Себастијан Леб од Франција.

Тоа е 55-тото издание на анкетата на агенција ПАП, а во неа учество зедоа 26 новински агенции од цела Европа.