Хајден Вајтбред, 6-годишно момче од Велика Британија кое луѓето ги освои со улогата во сапуницата "Coronation Street", се бори против ракот...

На Хајден летово му бил дијагностициран тумор, кој е отстранет со оперативен зафат. Откога знае за себе е голем фудбалски фан, а како вистински навивач на Манчестер Сити при секое одење во болница носи дрес од омилениот клуб затоа што вели дека во "него се чувствува храбро како својот херој", Џо Харт, голманот на Сити.

Исто така, објаснил дека клубот со освојувањето на Премиер лигата по 44 години го инспирирало да се бори против болеста. Хајден го посети клубот, се запозна со сите, го гледаше тренингот а потоа малку и загира со својот идол Харт.

Лекарите велат дека туморот на момчето е откриен во доволно рана фаза и дека има 90% шанси за целосно да оздрави.