Фудбалерите на “Реал Мадрид” овие денови се наоѓаат на претсезонски подготовки во Лос Анџелес каде се вистинска атракција за локалното население, а најмногу внимание предизвикува Португалецот Кристијано Роналдо...

По завршувањето на еден тренинг, Роналдо поради полесна повреда бил изнесен во возило за голф. И покрај повредата, еден од најдобрите фудбалери во светот бил добро расположен и ги поздравувал насобраните обожаватели, а не пропуштил можност и да го покаже своето одлично тело.

Роналдо е воодушевен од САД. На новинарите им рекол дека се надева оти еден ден ќе заигра во американската фудбалска лига.

“Убаво е тука, бидејќи Соединетите Американски Држави се фантастични. Менталитетот на луѓето, условите за тренирање, се е на место. Фудбалот тука е добар, но може да биде и подобар. Би ми било мило еден ден и јас да помогнам за да се подобри”, рекол Португалецот во редовите на кралскиот клуб.