Голманот на шпанската фудбалска репрезентација, Икер Касиљас, вети дека ќе бакне радио новинар, доколку „црвената фурија" ја одбрани титулата европски првак на шампионатот во Полска и Украина...

Икер Касиљас во 2010 година, по освојувањето на титулата светски фудбалски шампион на Мундијалот во Јужна Африка, пред телевизиските камери ја бакна својата девојка, новинарката Сара Карбонеро.

На прашањето на 55-годишниот радио репортер Хозе Рамон дела Морено дали ќе го повтори истото, Касиљас одговорил: „Ако го освоиме Еуро 2012 прво ќе те побарам тебе и ќе те бакнам во уста".

На тоа новинарот на познатото шпанско радио “Cadena SЕR” возвратил: „Може, но само ако ме фатиш".