Фудбалерот е првиот маж кој се сликаше за насловната страна на списанието "Elle"...

Дејвид Бекам (37) позираше за насловната страна на британското издание на списанието Elle. Поранешниот капитен на Англија стана едиствениот маж кој списанието го ставило на своја насловна.

Во интервјуто, Бекам зборувал за својот моден стил, за живото со Спајс девојката Викторија и четирите деца, и уште за некои работи.

Познатиот фудбалер се навратил и на своите модни промашувања, како што била една свечена прилика кога тој и Викторија облекле исти кожени Versace комплети.

"Сега кога ќе ги погледнам тие фотографии, помислувам - Боже, што ни требаше? Но не жалам поради ништо, човекот се бара постојано се додека не го пронајде својот стил", изјавил фудбалерот.

Бекам вели дека моментално носи облека која го дефинира како "британски џентламен".

"Добра фризура, чевли, добро одело, тоа е она што моментално ми одговара. Мислам дека тоа е стил кој никогаш не излегува од  мода".