Кралицата Елизабета лично го контактирала Џејмс Бонд за да и помогне околу отварањето на церемонијата за Олимписките игри...

Данијел Крејг, ќе учествува на свеченото отварање на Олимписките игри  во Лондон 2012 година, во улога на тајниот агент Џејмс Бонд. Бонд ќе се појави заедно со кралицата во краток промотивен филм "The Arrival", кој ќе биде прикажан на 27 јули на церемонијата по повод отварањето на Олимписките игри.

Весникот "The Sun" дознава дека во промотивниот филм тајниот агент 007 доаѓа во Бакингемската палата, каде добива известување дека има нова задача, да ги отвори Олимписките игри. При тоа Бонд со помош на хеликоптер доаѓа на стадионот во Статфорд, каде што со падобран се спушта во арената и така започнува целиот спектакл...

Креативниот директор  задолжен за церемонијата, Дени Бојл, добил пристап до некои од приватните соби на кралицата во кои ќе бидат снимени и дел од сцените во филмот.

"Сакаат да ги спојат најпознатиот филмски лик и најценетата монархиња на светот. Ќе биде неверојатно да се види овој филм во текот на отварањето на игрите на 27 јули", изјави извор близок на продуцентите.

Секако, нема потреба да спомнуваме колку ова појавување на Џејмс Бонд на отварањето на игрите ќе влијае на промоцијата на неговиот нов филм "Skyfall", кој во кината ќе биде присутен во ноември.