Фудбалерот од средниот ред на Реал Мадрид, Нури Сахин чека на своето комплетно деби за Кралскиот Клуб, Мурињо вели дека фудбалерот ќе игра кога 100% ќе биде подготвен.
Сахин се рехабилитираше од повредата на коленото и сега чека настап за Реал Мадрид во Примера.
Жозе Мурињо вели дека турскиот интернационалец не е доволно подготвен за настап.
"Сахин сака да игра, но не може" - вели Мурињо.
"Тој сега ги одработува своите подготовки. Треба да ја врати формата и фитнесот па да ми даде дополнителни опции при изборот".
"Физички и ментално Сахин е на ниво на подготовки пред почеток на сезона и потребно е да тренира добро. Не сум го прашал дали се чувствува подготвен да игра, бидејќи знам дека ќе ми рече да".
"Ние сме претпазливи со Нури. Тој е фудбалер чија кариера е пред него и го гледаме како важен фудбалер за нас".
Реал Мадрид утре како втор на табелата зад Леванте, патува на гостувањето кај Реал Сосиедад.
"Играме добро во моментов и кога е така работите се одвиваат лесно за нас".
"Но не можеме да се релаксираме, бидејќи ако го направиме тоа, нема да победиме".
Powered by: 24 FUDBAL.com.mk
