Најдобриот стрелец во историјата на Баерн Минхен и воопшто во Бундеслигата, Герт Милер го предизвика Марио Гомез оваа сезона да постигне повеќе од 40 голови и да го надмине неговиот „вечен“ рекорд.
65-годишниот Милер кој во сезоната 1971/72 постигна фантастични 40 погодоци , смета дека Марио Гомез има добра шанса да го сруши рекордот кој децении наназад е недостижен за сите фудбалери.
Впрочем, Милер верува дека 26-годишниот Гомез ако продолжи со ова темпо на игра и ефикасност може да постави нов, уште понедостижен рекорд за следните генерации.
„Го предизвикувам Марио да го сруши мојот рекорд. Всушност, се прашувам зошто и после толку години никој не успеа да постигне 40 гола во една сезона?“
„Ако мојот рекорд биде срушен од фудбалер на Баерн, тоа за мене ќе има посебно значење “- изјави Милер.
Марио Гомез оваа сезона е најефикасен во таборот на Баварците откако на 9 меча дури 10 пати се запиша во листата на стрелците.
Powered by: 24 FUDBAL.com.mk
