Британската пејачка Лили Ален јавно го призна неверството и без никаков срам за прв пат проговори за проблемите што ги имала пред шест години. Во 2012 година целосно изгубила контрола над животот, затоа што се чувствувала осамена.

33-годишната пејачка, позната по хитот Not Fair, вели дека проблемите се појавила со третиот студиски албум "Sheezus" и тогаш доживеала нервен слом. Го изгубила својот идентитет и тоа влијаело врз нејзиното семејство.

„Бев лоша мајка и бев лоша во работата. Се будев во автобус во сред Висконсин, мамурна. Го изневерував својот сопруг. Се што сакав е да бидам со своите деца. Дури и не заработував пари“, открива Лили. Од овие проблеми пејачката зајакнала, закрепнала и ментално се стабилизирала.