Викторија Бекам цврсто верува дека децата мора да сфатат дека парите не паѓаат од небото. Затоа нејзините постари синови работеле во кафе бар за минимални примања, а изгледа дека истото ќе се случи и со другите две деца кога ќе пораснат.

Најстариот син на Дејвид Бекам, еден од најбогатите Британци, Бруклин Бекам, миел садови во кафе бар во западен Лондон за мали пари. Сега тргнал по неговите стапки и неговиот помлад 15-годишен брат Ромео, што е голем чекор за него во споредба со модните реклами што ги снима. За снимање на реклама за Burberry добил 45 илјади фунти, а за работата во кафе барот бил платен по 2,73 фунти од час. Викторија и Дејвид сметаат дека нивните деца мора да стекнат работни навики. Големо браво за Бекамови!