Таа го запознала Саша во 2009 година, на скара кај својата другарка, која пак го повикала кошаркарот на гости за да го запознае со Марија.
„Пристигна кога веќе вечеравме. Косата уште му беше влажна после туширањето. Ја носел совјата тренерка, а двете колена му беа замотани со облоги со мраз. Веднаш ми се допадна“, вели Шарапова.
Проблеми имале цело време, а Вујачиќ секогаш инсистирал да бидат кај него, иако куќата на Шарапова била многу поголема и удобна и се наоѓала на истата улица.
„Тоа беше чиста машка црта или можеби црта на маж од источна Европа. Тој сакаше да биде главен, да биде центар на се, да контролира се. Не сакаше ниту да помисли на тоа што јас заработувам повеќе од него и дека мојата куќа е поголема. Никогаш не разговаравме за тоа и не признававме дека јас сум во тенискиот свет поуспешна одошто е тој во кошаркарскиот свет“, вели Шарапова.
После започнувањето на врската, Шарапова и Вујачиќ се вериле, но таа не била спремна за брак. Таа вели дека славата и богатството на Шарапова биле се поголем проблем за него. Сето тоа траело се додека таа не излегла на церемонијата при доделувањето на трофеите на Ролан Гарос во 2012 година. Единствената причина за нивното раскинување била затоа што таа заборавила да се заблагодари на нејзиниот мил и драг партнер.
„Со месеци очекував од него знак и го добив. Со една реченица. Нашата врска е завршена“, напишала Шарапова во својата автобиографија.
