Тој одигра некои од најславните улоги во историјата на кинематографијата, од Спартак и Винсент ван Гог, до Док Холидеј. Кирк Даглас го слави својот 100 роденден денес на 9 декември 2016. Својата долговечност вели дека ја должи на бракот што трае повеќе од 60 години. Тој тврди дека доживеал сто години благодарение на својата сопруга Ен Бајденс Даглас (97), со која успевал да закрепне од ударите што животот му ги давал.
Преживеал мозочен удар што му го пореметил говорот и поради кој морал да престане да глуми пред две децении. Се извлекол од хеликоптерска несреќа во 1991 година, а голема празнина му останала од смртта на неговиот син Ерик од 2004 година.
