На денешна дата се роди еден од најпопуларните и најомилени пејачи во цела Југославија, големиот музички талент и хуманист, Тодор Тоше Проески...



Македонскиот ангел Тоше би го прославил својот 35 роденден доколку би бил жив. Роден е на 25 јануари во 1981 година во Прилеп, Македонија, но трагично загина во сообраќајна несреќа на 16 октомври 2007 година во Хрватска.

Тоше Проески остави голема трага во својата земја и во регионот, кариерата ја започна во дамнешната 1996 година.

Неговиот соработник и пријател, Тони Цетински, се потсети на него и напиша: „На денешен ден 25.01.1981 година е роден и денес со нас би го славел својот 35 роденден. Никогаш заборавен, никогаш преболен.. еден и единствен... Тоше Проески... Среќен ти 35 роденден братко мој. Да, славам и ќе го славам секогаш денот кога се роди и го дишеше истиот воздух со нас, бидејќи горд сум и привилегиран што познавав ангел на земјата. Те сака братот. Недостасуваш“.

Тоше беше одличен пејач, беше хуман човек и одржа голем број на хуманитарни концерти. Истата година кога премина, го подготвуваше својот настап за светскиот пазар.