Британскиот рок музичар Дејвид Боуви починал синоќа, на 69 годишна возраст...



„Дејвид Боуви умре денес опкружен со своето семејство, после тешката борба со рак, што траеше 18 месеци“, објавено е во соопштението на официјалните страници на социјалните мрежи.

Застапникот ги замолил сите да ја почитуваат приватноста на семејството во овој тажен период. Боуви неодамна го објави новиот албум “Black Star” на својот 69-ти роденден, после три години пауза од музичката сцена.

Во четвртокот како најава е пуштен видео спот за синглот Lazarus, каде пејачот лежи со болнички алишта и завои. За режијата на спотот е заслужен режисерот на популарната емисија “Breaking Bad”, Јохан Ренк.

Во својата 40 годишна кариера Боуви креираше рок музика, соул, хард рок, денс поп, малку панк и електроника.