Џенифер Лопез има едно од најдобрите тела во Холивуд...



Тоа не е малку со оглед на тоа што е мајка на две деца и има 46 години. Совршеното тело си има своја цена, која Џени е подготвена да ја плати.
 
„Не пијам алкохол, не пушам и не пијам кафе. Тоа ја уништува кожата кога ќе остарите. Јадам многу зеленчук, брокула и кељ. Најмногу сакам порториканска храна, бидејќи со неа пораснав“, вели Џенифер.

Нејзините деца од бракот со Марк Ентони, близнаците Макс и Ема, исто така уживаат во зелената храна, а нејзе готвењето не и претставува проблем.
 
Освен здрава исхрана, Џенифер има и два тренера, еден во Њујорк и друг во Лос Анџелес. Поради нега на кожата, пејачката избегнува сонце, а кога е изложена на сончеви зраци, користи заштитен фактор. Медитира по 20 минути секој ден, бидејќи тоа и помага да се опушти. Сака да спие до 10 часа, но ретко го достигнува тој рекорд, затоа што спие вообичаено од 7 до 8 часа.