Актерот Џо Манганиело ја чекаше Софија Вергара четири и пол години да стане слободна жена и да почне со освојувањето...



Кога ја здогледал колумбиската убавица, знаел дека таа е вистинската жена за него. Џо ја чекал Софија да ја прекине свршувачката со нејзиниот поранешен свршеник Никола Лоеб. Заводникот примил мејл со добра вест - дека Софија е веќе слободна. Тогаш Џо го повикал колегата на Софија од серијата "Modern Family", Тајлер Фергусон.

„Тајлер ми го даде нејзиниот број и веднаш ја повикав. Таа ми кажа дека снима филм во Њу Орлеанс и предложи да одиме на состанок кога ќе се врати во Лос Анџелес. Си помислив, `нема шанси`, чекав речиси пет години и оваа можност не ја пропуштам. Отпатував во Њу Орлеанс и ја однесов на вечера. Тоа беше најдобрата одлука што некогаш сум ја донел во животот“, вели Џо.