Зои Салдана и Марко Перего се венчаа во 2013 година, но неодамна е откриено дека италијанскиот уметник го земал презимето на неговата сопруга...



Голем број на луѓе го осудиле неговиот потег и биле шокирани од тоа, па така актерката одлучила да го одбрани својот партнер.

„Зошто е толку изненадувачки, шокантно, што е голема работа ако некој го земе презимето на неговата сопруга? Жените никогаш не се прашуваат дали е во ред за нив да се откажат од своето презиме, зошто од ова се прави вест?“, одговорила Зои на Facebook.


 
„Луѓе, вие нема да престанете да постоите ако го земете презимето на својата сопруга. Напротив, ќе бидете запаметени како човек што променил нешто. Знам дека нашите синови ќе го цениат тоа и ќе му се восхитуваат на нивниот татко, затоа што е пример за другите. Господа, осмелете се да "излезете надвор од кутијата", отфрлете ги сите ограничувања. Машкоста треба да добие ново значење, мажот треба да стои покрај својата партнерка. Вистинскиот маж ги прифаќа своите мани, сфаќа дека ништо не може да направи сам“, додава Зои, која добила близнаци заедно со Марко пред шест месеци.