Приказната за животот на најбогатиот Кинез се чини како идеално сценарио за филм, бидејќи Џек Ма поминал многу работи додека да стигне до титулата - еден од најуспешните претприемачи во светот...



Имал многу падови во животот - кога сакал да се вработи во полиција, му било кажано дека не е доволно добар, додека во KFC ги вработиле сите кандидати што аплицирале за работа, освен него.

Некои од неговите идеи, како што е платежиот систем Alipay, некои ги нарекувале "најглупавата идеја што некогаш ја слушнале, неговата визија и упорноста се исплатиле, затоа што денес Џек Ма „тежи“ повеќе од 25 милијарди долари.

Ма во неколку наврати истакнува дека големото богатство и милијардите долари на сметката не мора да значат дека е среќен во животот. За Business Insider изјавил дека најдобриот период од животот за него бил во доцните осумдесети години, кога тој работел како професор на локалниот универзитет, и кога неговата плата била само дванаесет долари месечно.

"Тоа беше фантастичен период", често знае да каже Ма за овој дел од животот, а на неодамнешното предавање во Њујорк, изјавил дека луѓето што имаат милиони долари се среќни. Притоа мислел на луѓето кои имаат "само" милион долари, бидејќи тие знаат како да управуваат со своите пари и да ги трошат, но кога ќе заработат десет милиони долари, дури тогаш се во неволја. Милијардите долари донесуваат само одговорност и ја означуваат довербата на луѓето што ја имаат во него, и смета дека при трошењето на овие пари треба да се биде општествено одговорен. Исто така, проади богатството, луѓето поинаку го гледаат и имаат премногу високо мислење за него, поради што тој мора да се прибере и да биде свој.