Наоружен со гитара и опкружен со рокери, сопрственикот на F1, Bernie Ecclestone во Сингапур го претставил својот нов проект, насловен како „F1 Rocks“. Се работи за фузија на најпопуларните автомобилски натпревари во светот и шоубизнис.

Всушност, во Сингапур за прв пат во склоп на F1 трките ќе се одржи спектакуларен концерт на кој ќе настапат Beyonce, Black Eyed Peas, ZZ Top, Simple Minds, N.E.R.D и кинеската поп легенда Jacky Cheung.  За повторно да се популаризира неодамна срушениот свет на Формула 1, замислено е на концертите, автомобилските ѕвезди и глобално познатите славни пејачи да се дружат со „обичниот народ“. Bernie Ecclestone најавил дека првиот F1 Rocks концерт во соработка со издавачката куќа Universal Music, ќе се одржи во Сингапур во тек на три дена, од 24 до 26 Септември.