Фронтменот на бендот, Дејв Грол откри дека Foo Fighters планира снимање на албум во вселената.
Бендот Foo Fighters, кој неодамна освои пет Греми награди, сака да изнајми спејс-шатл во кој би ја „напикале“ опремата за снимање, а потоа би направиле неколку песни кружејќи по орбитата.
„Свесен сум колку ќе биде тешко да се организира такво нешто, но ќе направиме се што е во наша моќ за да го оствариме планот“, рече Грол.
Додека не го слушне одбројувањето за лансирање, поранешниот тапанар на бендот Nirvana снима документарен филм за студиото Sound City во кое настанал албумот Nevermind и првенецот на Rage Against The Machine.
