Oсудениот убиец Трент Арчи го извршил можеби најдрското бегство од затвор во американската сојузна држава Тексас. Не ја прескокнал бодликавата жица, ровот и оградата. Тој избегал низ влезната врата на затворот...

Надзорните камери во затворот Валкер го снимиле бегството на 29 годишниот Арчи кој заедно со уште еден осуденик нападнале четворица чувари додека тие поминувале низ врата, која го одделувала делот за затвореници од административниот дел на затворот.

Арчи успеал да им побегне на чуварите низ главниот влез, додека неговиот 23 годишен колега, затворските чувари успеале да го совладаат. Бегството се случило во раните утрински часови и во моментот кога затвореникот разговарал на телефон.

Околу 2:50 минути по локално време, еден од затворските чувари ја отворил вратата за регистрација на затвореници, а тогаш Арчи и неговиот колега навалиле на чуварите и кон излезот.

Арчи е осуден на 40 години затвор за убиство. Неговото бегство остави еден полицаец во болница поради повреда на главата, а двајца од управата заработиле модрици. Сепак неговата слобода не траела долго. Тој бил уапсен три дена подоцна.