Започна треската за крајот на една од најголемите филмски франшизи во светот, „Хари Потер“...

Денеска во Лондон, Англија за прв пат премиерно ќе биде прикажан последниот дел од огромната филмска франшиза, „Хари Потер и Реликвиите на Смртта: Втор дел“.

Премиерата ќе започне во 16:00 часот по Лондонско време (кај нас 17:00 часот) со настан на црвениот тепих кој ќе може да се следи директно на YouTube, а на кој настан ќе присуствуваат сите ѕвезди од „Хари Потер“ серијалот.

Меѓутоа, за вистинските хардкор фанови треската е почната уште од вчера, затоа што многумина од цел свет се собрани на булеварот Трафалгер каде што кампуваат под отворено небо и покрај злогласното британско време.

Македонската премиера на „Хари Потер и Реликвиите на Смртта: Втор дел“ ќе се случи на 15 јули во Битола, со проекција од 20:00 и 22:30 часот, а филмот ќе се прикажува уште два дена, на 16 и на 17 јули. Картата чини 150 денари.