Мисицата на американската сојузна држава Јужна Каролина има 22 години и ќе се натпреварува за титулата Мис на САД. Тоа не би била некоја вест ако оваа девојка од 50 килограми претходно не тежела повеќе од 100...
Бри Бојс во сабота ја освои титулата Мис Јужна Каролина, а на својот фејсбук профил откри дека претходно имала дури 104 килограми. До сегашната тежина, и титула, стигнала по две години, како што самата вели, правилна исхрана, вежбање и верба во себе.
Во интервју за HeavyUSA, Бри откри дека нема друг рецепт за совршена фигура од горе наведените методи. Вели дека пробала со разни диети, од кои некои се многу популарни, како Аткинсовата, но дека работата долгорочно може да се реши само со откажување од диетите и примена на здрава и урамнотежена исхрана и физичка активност.
