Основачот на Facebook се пријавил на Google+ и моментално таму е најпопуларен член...

Уште од претставувањето на новиот социјален проект на Google, Google+, истиот не престануваат да го споредуваат со најпопуларната социјална мрежа во светот.

Иако е јасно дека Google во блиска иднина не може сериозно да му конкурира на Facebook, првите рецензии на Google+ се прилично позитивни, а многу размислуваат за преселување на поголемиот дел од своите социјални активности на овој сервис затоа што социјалната мрежа на Зукерберг им станала преголема, па ги „следат“ членови на семејството, колеги, шефови, но и многу „пријатели, пријатели, пријатели“ за кои никогаш не слушнале.

Преминувањето на друг сервис кој има можност за распределување на online контактите во Circles (Кругови), би им овозможил на корисниците поголем степен на приватност и делење на информации само со оние луѓе со кои навистина сакаат да го направат тоа.

Google затоа сака што побрзо да ја популизира својата социјална мрежа па во интерес им е да им пристапат што повеќе познати луѓе, а интересно е тоа што моментално најпозната личност на Google+ е шефот на Facebook, Марк Зукерберг.

Но, не знаеме колку тие од Google се среќни поради тоа што токму Марк е личноста која има најмногу следбеници на овој сервис, повеќе од CEO на Google, Лери Пејџ. Моментално Зукерберг го следат повеќе од 29 илијади луѓе, додека Пејџ уште нема собрано ни 20 илијади следбеници, а другиот основач на Google, Сергеј Брин, моментално има околу 15 илијади следбеници.

Зукерберг до сега немал никакви активности на овој сервис (на некои форуми може да се прочитаат коментари дека се приклучил на Google+ само за да види што може да искористи и да украде за Facebook), но ниту Лери Пејџ не е активен на својот профил.

Google+ моментално е достапен само со покана и не е познато кога ќе им стане достапен на сите корисници.