Откако е поставен првиот апарат за злато во трговскиот центар во Лондон, наскоро своето место ширум Велика Британија ќе најдат 50 апарати за злато...

Во наредните неколку години жителите на Велика Британија ќе можат преку 50 апарати да инвестираат во злато. „Сега апаратите примаат само кеш, но се надеваме дека наскоро ќе примаат и кредитни картички“, рече Хема Пател, еден од првите корисници на апаратите.

Во светот постојат уште 17 вакви апарати за злато, а поголемиот дел од нив се наоѓаат во Германија и во Дубаи. Цената на златото е превземена од светскиот пазар и се следи од минута во минута. „Нема никаков сомнеж дека цената на златото само ќе расте“, рече претставник на фимата Gold To Go, која и го постави апаратот.