Освен iPhone 5, Apple наводно подготвуваат и iPhone 4GS кој би требало да биде поевтин и да се продава во припејд пакети...
Веќе долго време се нагаѓа околу тоа дали Apple ќе го претстави iPhone 4GS или потполно нов модел на iPhone 5, а последните гласини велат дека Стив Џобс ќе ги престави и двата телефони.
iPhone 5 би требало да го наследи актуелниот модел и ќе има некои подобрувања како бојата на камерата (резолуција 8MP), посилен процесор и евентуално поголем екран и поддршка за NFC.
Сега се појави гласина дека Apple со овој модел ќе го претстави и iPhone 4GS, кој би требало да биде поевтин и првенствено наменет за припејд пазарот, односно не би требало да се потпишуваат претплатнички договори за да може да се купи поповолно.
Многу аналитичари на пазарот сметаат дека претставувањето на поевтина верзија на iPhone има многу голема смисла. Имено, околу две третини од мобилните корисници во светот користат припејд, односно не се врзани со договор за мобилните оператори, туку на сметка која ја обновуваат со бонови.
На таквите корисници, кога се во прашање smart phone-ите, најинтересни им се Android-ите затоа што понудата на smart phone-и кои работат на овој мобилен оперативен систем вклучуваат и поевтини модели кои се подостапни на масовниот пазар. Тоа посебно се однесува на масовните пазари во Азија, Јужна Америка и Африка на кои Apple со поевтин телефон за чие купување не е потребно потпишување договор би го зголеми својот влог.
Исто така, со обѕир на последните случувања со конкурентите на оваа компанија - посебно со се постабилната позиција на Nokia но и Research In Motiona, отвара се поголем простор за mid-range пазар на smart phone-и кои, ако овие гласини се точни, ќе ги пополни Apple.
За жал, некакви конкретни информации за тоа како iPhone 4GS би требало да изгледа нема, едниствено се споменува дека би требало да биде сличен на моменталниот 8GB iPod Touch кој чини 229 долари, а неговата цена би требала да се движи околу 350 долари. Информациите од почетокот на годината зборувале дека Џобс и екипата размислуваат за телефон со помал екран, но такви гласини веќе не се споменуваат.
До излегувањето на новата верзија (новите верзии) на iPhone - што се очекува некаде во текот на септември, веројатно ќе се наслушаме уште на секакви други гласини, а сигурно Apple не би погрешил со претставување на поевтин модел наменет за припејд корисниците со што би добил поголема улога на светскиот пазар.
