Опра Винфри го исполни својот „животен сон“ кој неодамна го сподели со јавноста - осомничен во емисијата да и признае убиство...

Историското или најдобро платеното интервју водителката го направи со познатиот О Џеј Симпсон, осомничен за убиството на својата сопруга.

Имено, О Џеј Симпсон гостувајќи во нејзината емисија, ексклузивно од затворот признал дека ја убил поранешната сопруга Никол, наводно во самоодбрана.

Водителката по долгата законска процедура успеа да издејствува дозвола да сними интервју во затворот, а најавено е дека оваа емисија ќе ги надмине сите нејзини дотогашни, затоа што гледаноста доживеа огромни цифри.

Симпсон моментално служи казна во затвор во Невада, каде е осуден на девет години поради грабеж и киднапирање во октомври 2008 година. Иако беше главен осомничен за случајот на убиството на неговата сопруга во 1995 година, неговата одбрана успеа да ги отфрли сите докази и тој набргу беше ослободен од оптужбата и пуштен на слобода.

Зошто Симпсон баш сега решил да си ја „олесни душата“, баш кај Опра Винфри и пред милионски аудиториум, не е баш сосема јасно, но веројатно имал добар „мотив“ за тоа. Ни затворските денови нема да траат вечно, а после тоа мора да се живее.

Тоа што е сигурно е дека спортистот очигледно многу добро го познава законот, затоа што тој нема да ги сноси последиците за злосторот кој го сторил, и покрај тоа што јавно го признал, затоа што според законот на САД, по ослободувачката пресуда, личноста не може да биде обвинета за истото кривично дело. Дали е навистина така или спортистот навистина само посакал да си го симне каменот од срцето - никогаш нема да дознаеме.