Денеска точно во 13.00 часот, авторката на „Хари Потер“ серијалот, Џ. К. Роулинг, обелодени што е Pottermore...

Роулинг во видеото вели дека се уште е запрепастена, тринаесет години по објавувањето на првата „Хари Потер“ книга, од одговорот што го добива од читателите и обожавателите.

Таа вели дека тие остануваат и понатаму инвентивни и ентузијастични во врска со приказната и дека сака да им се заблагодари затоа што останале верни на нејзе и на приказната и дека нема попосветени читатели од нејзините.

Pottermore е уникатно онлајн читачко искуство како ниту едно друго. Приказната е иста со неколку витални додатоци, меѓу кои како главен додаток ги смета самите фанови, па така Pottermore ќе биде граден делумно од самиот читател.

Роулинг вели дека дигиталната генерација ќе може да ужива во безбедно, уникатно онлајн читателско искуство кое ќе се гради околу „Хари Потер“ книгите. Pottermore ќе биде место каде читателите ќе можат да ги споделуваат, да учествуваат во и повторно да ги откриваат приказните.

Исто така ќе биде и ексклузивно место за купување на дигиталните аудио книги, и за прв пат, електорнски „Хари Потер“ книги. Самата Роулинг ќе биде придружена на страницата затоа што таму ќе споделува додатни информации што ги чувала за себе со години во врска со светот на „Хари Потер“.

Pottermore ќе биде отворен за сите од Октомври оваа година, но неколку среќни ќе можат да влезат порано и да помогнат да се обликува искуството.

Ако сакате да бидете еден од оние неколку среќници, едноставно следејте го бувот.