Џејмс "Вајти" Балгер, злогласниот гангстер од Бостон кој е на листата на ФБИ поради 19 убиства, уапсен е минаната ноќ во Лос Анџелес, по 16 години бегство...

Балгер денес ќе биде донесен во судот во Лос Анџелес, под обвиненија за убиство, заговор за извршување убиство, трговија со дрога, изнудување и "перење пари".

Балгер 20 години бил информатор на ФБИ и побегнал во јануари 1995 година бидејќи еден агент на ФБИ му рекол дека наскоро ќе биде обвинет.

Гангстерот на агентите на ФБИ со години им давал информации за ривалските банди во времето кога пресметката со мафијата била врвниот приоритет на државата.

Меѓутоа, ФБИ влегол во проблеми во доцните 1990 години кога се дознало за врската на полицијата со Балгер и за неговите многубројни злочини.

Балгер е тема на неколку книги, а бил инспирација за филмот на Мартин Скорсезе, "The Departed" (2006).