Осум октоподи се натпреваруваат за ласкавата титула - наследник на „видовитот“ Пол...

Октоподот Пол се најде на насловните страници на весниците ширум светот откако успешно ги предвиде крајните резултати на седум утакмици на германската репрезентација и тоа кој ќе биде светки првак на Светското првенство. Пред секоја утакмица пред него се поставуваат два сада со храна, претходно замотани со знамињата на спротиставените тимови, а садот од кој Пол ќе јадеше се сметаше за негов конечен избор.

Затоа што „видовитиот“ Пол умре на 26 октомври минатата година, пред Женското светско првество во фудбал ќе биде избран негов наследник.

Осум германски аквариуми „Морски живот“ ќе изберат по еден кандидат, кој со истиот метод како Пол ќе ги бира победниците на натпреварите, а октоподот со најголем број на погодоци ќе биде официјално „крунисан“ како негов наследник.

Женското светско првенство почнува на 26 јуни (недела) во Берлин, додека останатите натпревари ќе бидат играни во уште осум германски градови.