Првиот брачен бакнеж се покажал фатален за штотуку венчаниот млад пар во Прага кој на венчалната веселба паднал од балконот - невестата умрела, а младоженецот со тешки повреди е пренесен во болница...

Младоженецот, 28 годишен русин, и невестата, три години помлада литванка, излегле на балконот од својот стан во Прага за да ги почестат гостите на веселбата со нивниот прв бакнеж како маж и жена.

Се прегрнале и бакнале толку несмасно, што наглавечки прелетале преку оградата на балконот од трети спрат.

„Дваесет и пет годишната жена на место останала мртва, а мажот со тешки повреди го собрала брзата помош. Други информации нема да соопштуваме, затоа што тоа е навистина трагична несреќа чии сведоци биле најблиските на младиот пар“, изјави портпаролот на прашката полиција, Томаш Хулин.

Според информациите на полицијата, алкохолот не е причина за несреќата.