Мајк Сток, поранешниот текстописец на Кајли Миног, вели дека „поп музиката станува порнографија“...

Поп музиката е на „бавен, но непогрешлив пат во станувањето порнографија“, според хит текстописецот, Мајк Сток.

Сток, кој беше одговорен за неколку хитови и и помогна на Кајли Миног да ја лансира својата кариера, дел од вината стави на ѕвездите во подем, вклучувајќи ги Ријана, Лејди Гага и Кети Пери.

Тој рече дека тие биле меѓу бранот на изведувачи кои „ги искористиле сексуалните слики, танцувачките чекори и составот на тексовите многу над границата на пристојното“.

Порано овој месец од владата дискутирале за превземање чекори против сексуализацијата и комерцијализацијата на младите луѓе, велејќи дека видеата со таква содржина треба да се даваат покасно.

Сток вели дека таквите обиди нема да вродат со плод: „Тоа нема да има никаков ефект затоа што младите знаат како програмата од синоќа да ја гледаат рано наутро.“

Тој уште додаде: „Што се однесува до музиката, таа е на бавен, но непогрешлив пат во станувањето порнографија. Зошто? Затоа што е лесно. Ставете сексуално танцување и обдарени женски во видеото и имате хит. Работата завршена.“

Сток ја издвои изведбата на Никол Шерцингер во Britain's Got Talent велејќи дека вклучила „премногу сексуална содржина на семејно шоу“.