На мажите од Иран им е забрането носење на ланчиња во последниот напад на теократскиот исламски режим во Теран врз „неисламската облека и фризури“...

Илијадници припадници на специјалните сили се распоредени на улиците во Теран за да учествуваат во спроведувањето на режмскиот „план за морална сигурност“, во кој лабаво врзаните марами, тесните наметки или скратените панталони кои откриваат кожа нема да се толерираат на жените, додека мажите истовремено се предупредени против гламурозни фризури и носење ланчиња.

Новиот план доаѓа недолго откако иранскиот парламент предложи закон со кој се криминализира поседувањето на куче како домашно милениче, затоа што наводно „претставува културен проблем, слепо имитирање на вулгарната западна култура.“

Државната агенција за вести IRNA извести дека акцијата е усмерена на борбата против „инвазијата на западна култура“, и дека во неа учествуваат повеќе од 70.000 припадници на обучени сили, познати како „морална полиција“ (басиџи) кои се пратени на улиците во Теран и други градови.