Оскаровката и ѕвездата од хит-филмот Black Swan стана мајка на момченце...

Убавата Натали Портман стана мајка за прв пат. 30 годишната актерка и нејзиниот 33 годишен вереник, Бенџамин Мајлпијед, кого го запозна на снимањето на филмот Black Swan каде работел како кореограф, добија син.

Дека се верени и дека очекуваат бебе, Натали и Бенџамин објавија во декември минатата година.

Пред неколку месеци откри дека во бременоста престанала да биде вегетаријанец, за да биде сигурна дека бебето ќе ги има сите потребни супстанци кои му се потребни за развој.

„Одлучив да се откажам од вегетаријанската исхрана за доброто на своето дете. Кога останав бремена, почувствував потреба за јајца и млечни производи. Знам дека некои луѓе остануваат на вегетаријанска исхрана и кога се бремени, но мислам дека тогаш мораат да бидат исклучително внимателни, треба да внимаваат на нивото на железо во крвта и на витамините.“