Здруженијата за правата на децата се ужаснати со училиштето за играње околу шипка, чии најмлади посетувачи имаат само три години...

Училиштето „Мали танчерки“ на девојчињата им нуди обука за играње околу шипка, а инстукторката Карли Вилфорд вели дека не гледа во што е проблемот.

„Ова е акробатски танц, а не стриптиз. Девојчињата учат да си ја подигнат самодовербата, и остануваат во форма затоа што ова е игра која бара физички напор“, објаснува таа.

Часовите чинат пет фунти, и се одржуваат во студиото Make me fabulous во Нортемптон.

Една мајка, која ги пратила своите ќерки стари три и пет години на часови, вели дека девојчињата се „маѓепсани“ од оваа нова вештина, затоа што немаат предрасуди како возрасните.

„Ним едноставно им е забавно да се качуваат и спуштаат по шипката, а притоа играат. Иако, не би се пофалила во училиштето дека ги праќам на часови“, рече таа.

Девојчињата учат „стандардни“ акробатски движења, како што се ширење на ногата при спуштање, а организацијата за деткси права Kidscape соопшти дека овие часови се јасен пример за прерана сексуализација на децата.

„Јасно е дека децата не гледаат ништо лошо во тој танц, но учат движења за потполно несвесна сексуална порака која можат да им ја праќаат на погрешни, па дури и опасни личности. Децата мораат да останат деца“, рече директор на тоа здружение, Клод Најтс.

Вилфорд, која во истото училиште држи и часови за стриптиз за возрасни, рече дека групата за деца ја основала затоа што многу девојчиња сакале да го прават истото што и нивните мајки.