Таман кога се смирија страстите околу најавата за судниот ден кој „требаше“ да се случи на 21 мај, доаѓа уште еден. Рускиот физичар Алексеј Димитриев е „заслужен“ за новиот крај на светот, а тврди дека за се знае и НАСА, но намерно молчи за тоа...

Димитриев тврди дека според набљудувањата на НАСА можеби се приближуваме кон голема соларна катастрофа, постои теорија дека Земјата, Сонцето и сите други планети од Сончевиот систем наскоро да влезат во непознат меѓуѕвезден облак. Тој облак би требало да објасни бројни неодамнешни аномалии во светот и наводно да поврза некои од порано необјаснивите случувања на Земјата.

Мистериозниот меѓуѕвезден облак би требало да ги објасни промените на половите, масовното умирање на животни, неодамнешното зголемените коронални ерупции на Сонцето, топење на ледот на Марс и зголемениот број на разорни бури во САД, како и повремени необјасниви нагли климатски промени. Понатаму, Димитриев тврди дека тој облак всушност го полни Сонцето и ја поттикнува неговата зголемена активност, која ќе резултира со една голема ерупција на Сонцето.

Таа ерупција, не само што би можела да го уништи човечкото општество какво што сега го познаваме, туку би можела да поттикне и нов бран на свест, додека остатците од човечкиот род би се обидувале повторно да ја состават инфраструктурата и да се свртат кон целосен технолошки напредок. Димитриев тврди дека не е сам во своето сознание, дека веќе за се знае и НАСА, само намерно молчи за тоа. Вистинскиот проблем всушност би бил, во случај овие вистини да се точни, како на светската јавност да и се соопшти за тоа и како да се подготвиме за фундаментална промена на сите нивоа на живот?

Одговорот од денешна перспектива е само еден. Освен што е такво што ни е речиси незамисливо, исто толку би било и неизведливо во смисла за припрема на светските власти.