Полиција од едно предградие во државата Мисури неодамна се соочи со еден многу опасен алигатор... или барем така мислеле...

Полицајците од Индепенденс, предградие на Канзас, одговориле на повик во сабота вечер за голем алигатор кој демнел на кејот од некое мочуриште, изјави портпаролот на полицијата, Том Џентри.

Еден полициајец се јавил на државен агент, кој го посоветувал да го застрела алигаторот бидејќи многу малку надлежни за таа работа можеле да го сторат тоа во тој момент, рече Џентри.

Како што бил посоветуван, така постапил погоре споменатиот полицаец и го застрелал алигаторот и тоа не еднаш, туку два пати, но и двата пати куршумите се одбиле од него затоа што алигаторот бил направен од цемент.

Сопственикот на имотот подоцна и рекол на полицијата дека тој го ставил таму украсот за да ги држи децата подалеку. Но, возрасните немало од што да се плашат.

„Нема алигатори наоколу, ние сме премногу на свер, премногу е ладно овде“, рече Бил Грем, портпарол на отсекот за заштита на Мисури.

Џентри рече дека инцидентот привлекува многу внимание. „Во најмала рака, урнебесно смешно е“, вели тој. „Но, мораме да го сфатиме секој повик серизоно.“