Хакерот, која најверојатно е стациониран во Кина, се обидел да влезе во стотина корисници на електронска пошта...

Непознатиот сторител, за кој се верува дека е од кинескиот град Жинан во провинцијата Шандонг, неодамна се обидел да влезе во електронската пошта крадејќи ги лозинките, но Гугл тоа го открил и го спречил во таа намера, известила најголемата компанија за пребарување на интернет на својот официјален блог.

Од компанијата истакнуваат дека хакерот до податоците на корисниците, односно приватните лозинки, дошол со измама, барајќи податоци со изговор за обезбедување на зголемена заштита на интернет. Од Гугл нагласуваат дека превземањето на адресите не било резултат на сигурносни проблеми во Гугл и дека нивниот внатрешен систем не е зафатен со упад.

Мета на хакерски напади биле лични Gmail адреси на стотина корисници, вклучувајќи и високи претставници на американската влада, кинески политички активисти, претставници на неколку азиски земји, вклучувајќи ја и Република Кореја, воен персонал и новинари.