Аргентинските служби заплениле три черепи и мумија, кои некој се обидел да ги прокриумчари во државата - преку пошта...

Археолошките предмети датираат од периодот пред Инките и припаѓаат на културата Paracas, 500 години пред Христос.

Черепите на кои уште има остатоци од заби и коса биле испратени во керамички садови и замотани со облека, а пратени се од Боливија на адреса во Буенос Аирес.

Се претпоставува дека остатоцитие биле наменети за илегална продажба на музеи или приватни колекционери во Европа.

Моментално ги прегледуваат аргентински археолози. На еден од черепите има продупчено дупка што било вообичаена пракса со која се лечеле повредите на главите повредени во борба, а останатите черепи се деформирани.