Мало, шестнаесет месечно девојче преживеало пад од балконот од четврти кат од хотелот во Орланд, Флорида, откако ја фатила британска туристка...

Хелен Бирд од Ворксоп, Англија и рекла на полицијата дека била на базентот во хотелот во Орланд нешто после 11 часот нвечер во среда, кога видела дете што виси од балконот. Потрчала на местото точно под детето и следела додека падаѓало удирајќи се од балконот на третиот кат.

Бирд, 44 години, рекла дека ја фатила Џа-Ниа Мајлс и го прекинала падот по што детето се лизнало од нејзините раце на земјата.

„Фала му на бога што го спаси животот на моето дете. Исто така и благодарам на госпоѓата затоа што беше ангел испратен од небото“, рече мајката на детето, Хелена Мајлс.

Рекла дека детето е совршено добро и дека не добило ни гребнатинка.
Мајлс кажала дека ја оставила ќерка и на пријателите да ја чуваат, а тие рекле дека не забележале дека Џа-Ниа отишла на балконот, наведува канцеларијата на шерифот на округот Оринџ.