Италијанската финансиска полиција вчера под илегалната депнија во Поцуоли, 15 километри од Неапол, открила римски мавзолеј од II век...

Гробницата е откриена сосема случајно за време на „претрес“ на 1.700 кубни метри депонија на која има повеќе од 58 тони опасен отпад, вклучувајќи и автомобилски гуми и акомулатори.

Инспекрторите за време на отстранувањето на гумите откриле тунел кој всушност е влез во одлично чувана подземна гробница украсена со разни уметнички дела. Интересно е што горбнициата се наоѓа во близина на тврдина од ХVII век која исто така станала дел од депонијата.

Проблемот со лошото третирање на отпадот во Неапол и во целиот регион, кој е најнапуштен во Италија, трае веќе со години. Сопственикот на депонијата е оптужен за кршење на многу закони врзани за чување на околината и историските знаменитости.

Полицијата за откритието ги известила локалните археолози кои работат во близина на едно пронаоѓалиште од времето на античка Грција. Околината на Неапол инаку е богата со археолошки наоѓалишта од античкиот период на Стара Грција и Рим, вклучувајќи го и античкиот град Помпеј кој е под заштита на UNESCO.