Тинејџер од Британија, 13 годишно момче, кое има проблеми со кожата кои го спречуваат редовно да се бричи, е истеран од училиштето поради неговиот изглед...

13 годишниот Марк Греј веќе има фацијални влакна, но дерматолозите го советувале да не се бричи затоа што би можел да добие болни фацијални проблеми.

Сепак, управата во училиштето одлучила дека Греј ги прекршил строгите правила за изглед, па го исфрлиле од училиштето во Блајт.

Од семејството на Марк потврдиле дека дерматолозите му забраниле бричење на нивниот син, затоа што му е дијагностициран "Pseudofolliculitis", па одлуката на училиштето ја нарекле фарса.

Родителите приложиле жалба, но одлуката за исфрлување повторно била потврдена.

„Сакаме од неговото име да се тргне таа темна дамка“, рекол таткото на Марк, Питер, кој напоменал дека докторите рекле дека одлуката на училиштето е смешна и луда. Марк и родителите продолжуваат со борбата за укинување на одлуката за неговото исфрлување.