Во украинскиот град во близина на Одеса спровеле ноќен полициски час врз децата под 16 за да ги спречат од запаѓање во неволји...

Обштинскиот совет во Измаил рекол дека сакаат нивните деца да бидат дома, а не во клубови, компјутер-кафеа и на улиците откако ќе падне ноќта, поради зголемениот малолетнички криминал, обилното пиење и зависноста од тутун кај нивните деца.

„Децата доаѓаат на училиште и слободно и без да се кријат си спијат на првите часови“, изјави Татјана Јанакиева, управителка на сервисот за детски проблеми. „Родителите се жалат. Училиштата се жалат.“

Според официјалната страница на Измаил, градот од 77.100 жители има пет ноќни клубови и неколку барови и кафичи.

Јанакиева рекла дека децата под 14 години не смеат да бидат надвор после 9 часот навечер, додека 16 годишните можат да останат само еден час повеќе од нивните помлади сограѓани, имено до 10 часот навечер. Полицијата и други владини агенции се на позициите откако правилата влегоа во сила.

Родителите на оние кои ќе го прекршат полицискиот час ќе бидат строго казнети заедно со сопствениците на клубовите или баровите каде што децата ќе бидат најдени, додала Јанакиева.