Цунами од два метри ги погоди и бреговите на калифорниските градови Санта Круз и Крисент Ситу...

Брановите од цунамито дојдоа и до Калифорнија. Иако висината на брановите е многу помала од предвиденото, во градот Крисент Сити оштетени се 35 бродови. Цунамито го погоди и Санта Круз и во неговото пристаниште предизвика штета од најмалку 2 милиони долари.

Во Калифорнија загинал 25 годишно момче кое сакало да го фотографира цунамито. Во морето исчезнале уште три личности од кои две се пронајдени, додека за трага по уште една.

Американците прогласиле степен на подготвеност во државите Калифорнија, Оргеон, но и на Аљаска. За предупредувањето од цунами била издадено и на брегот на Јужна Америка, Гватемала, Ел Салвадор, Костарика, Панама, Hondorasa, Еквадор, Колумбија и Перу.

Плимата предизвикана од цунамито стигнала и северозападно од Мексико, а станува збор за плима од половина метар.

Мексико е првата држава од Латинска Америка до која стигна цунамито, а властите прогласиле "умерена опасност", јавува France Presse.

Жителите на Хаваи поминале во паника а поголемиот дел од нив се упатиле во продавниците за храна и свежа вода. Огромни бранови со висина од над два метри удриле на бреговите на Мауи а центарот за цунами, известува дека големи бранови во интервали од 15 минути доаѓале во период од два часа.

По цунамито имало мало зголемување на нивото на морето, а на Хаваите не е забележана поголема материјална штета.

Заканувачкото цунами, кое се појави по разорниот потрес која ја погоди јапонија, моментално е повисоко од некои пацифички острови кои би можело веднаш да ги поплави, објавила федерацијата на Меѓународниот црвен крст.

Потресот покрена цунами висок десет метри кој во Јапонија носел се пред себе, вклучувајќи куќи и возила. Првите бранови, прилично слаби, ги погодиле руските острови Куриле, каде што речиси 11 илјади биле евакуирани, јавува Центарот за цунами од Сахалин.