Индонезијската поп ѕвезда Назрил Ирхам е осуден на три и пол години затвор поради ставање на интернет две домашни секс-видеа кои ги снимил со девојката...

22 годишната индонезијска поп ѕвезда Назрил Ирхам, фронтмен на групата Peterpan, кој на милионите свои фанови им е познат и како Ariel, во понеделник ја почувствува цела жестина на анти-порнографскиот закон кој е донесен пред три години во Индонезија.

Имено, поради постирањето на интернет на две домашни секс-видеа, судот во градот Bandung го осуди на три и пол години затвор и 28.000 долари парична казна. Домашните секс-видеа, од кои едно е снимено со поранешната девојка, а другиот со сегашната девојка, ТВ ѕвездата Луна Маја, Назрил веќе го чинеа неговата репутација, а сега и неговата слобода.

Овој случај во претежно муслиманската Индонезија стана сензација и предизвика многубројни поделени мислења, а на денот на донесување на пресудата пред судот во индонезијскиот град Bandung полицијата морала да ги смирува стотиците кои сметале дека Ирхам добил преблага казна, додека фановите на поп пејачот врескале со солзи во очите кога дознале дека нивниот љубимец оди во затвор поради своето дело.