Германски пензионер беше осуден на шест месеци затвор условно и парична казна од 1000 евра поради тоа што се обидел да внесе "банкнота" од 1 милион долари во банка, соопшти судот во Дизелдорф.

Волфганг В., 65 години, пристигнал во јуни 2009 година пред шалтерите на банката во Ратинген, Западна Германија со "банкнота" од 1 милион долари, која ja добил при продажба на вила во Шри Ланка. Но американското Министерство за финансии не печати банкноти од 1 милион долари.

"Тој рече дека, само сакал да провери дали банкнотата е вистинска, но вработените во банката велат дека, исто така, побарал износот да биде префрлен на неговата сметка", соопштил портпаролот на судот Стефан Конер.