Едно лице се самозапалило денеска пред парламентот на Египет во Каиро, во знак на протест поради сиромаштијата и нискиот животен стандард...

Човекот "стоеше пред Народното собрание, налеа гориво врз себе и се самозапали", соопштил извор, кој посакал да остане анонимен.

"Полицаецот што се најде во близина успеа да го изгасне огнот и лицето со брза помош веднаш беше префрлено во болница", додал изворот.

Идентитетот на лицето не е утврден и засега не е позната неговата состојба.

Инцидентот се случи откако 26-годишниот студент Мохамед Буазизи се самозапали во Тунис, откако полицијата не му дозволи да продава овошје и зеленчук, за да си заработува за живот. Постапката на момчето, кое подоцна почина од повредите, предизвика бран протести во Тунис, кои на крајот доведоа до крај на 23-годишниот режим на премиерот Бен Али.