Поранешниот претседател на САД, Џорџ Буш призна дека изјавата на раперот Кајни Вест "Господинот Буш не се грижи за црните луѓе", бил најлошиот момент во неговата претседателска кариера...

Буш денеска на пазарот ги пушти долгоочекуваните мемоари "Decision Points". Во нив поранешниот претседател на САД опишува како Кајни Вест го нарекол јавно "расист" за време на концерт, пренесуван на телевизија.

Американскиот пејач во 2005 учествуваше во добротворен концерт заедно со актерот Мајк Маерс и собраа средства за погодените од ураганот "Катрина".

Тогаш Кајни Вест изјави: "Господин Буш не се грижи за црните луѓе" и тоа стана една од најголемите теми во следните неколку месеци.

"Бев предмет на голем број критики, додека бев претседател. Изјавата на Кајни Вест беше најлошиот момент, поради неговата предпоставка дека сум расист", пишува во новата книга на Џорџ Буш.