Благодарение на својата музика и неверојатниот шарм со кои освојуваше срца, Тоше никогаш нема да биде заборавен...

Шок, солзи и неверување завладеа пред точно три години кога одекна веста дека во тешка сообраќајна несреќа покрај Нова Градишка загина Тоше Проески. Несреќата се случи на 16-ти октомври 2007 година во 06:16 часот на автопатот А3 Загреб - Липовац, на делот помеѓу Лужан и Нова Градишка.

Сепак, благодарение на својата музика и неверојатниот шарм, со кои ги освојуваше срцата на многу луѓе, Тоше никогаш нема да биде заборавен.

Денес во 06:16 часот од Нова Градишка, на истото место од каде што телото на починатиот Тоше беше транспортирано со хеликоптер во Крушево, веќе трета година по ред тргна мегамаратонот Нова Градишка - Крушево.

Во 17 часот пред Електротехничкото училиште во Нова Градишка ќе биде откриен спомен-обележје во чест на Тоше Проески, под кој пишува: "Ве сакам сите засекогаш, вашиот Тоше".

Во родниот град на Тоше, Крушево, по повод третата годишнина од неговата смрт, беше подигнат 33 метарски висок крст до манасторот Свето Проебражение, каде што Македонскиот Ангел често се молеше и зборуваше дека таму го пронаоѓа својот мир.